Fransiyada 10-iyundan boshlanadigan futbol bo‘yicha Yevropa chempionatiga safarbar etilgan nemis politsiyasi xodimlariga qurol olib yurish huquqi beriladi. Xizmat qurolidan tashqari, politsiyachilarda gaz ballonchalari ham bo‘lishi mumkin. Bu haqda huquq-tartibot idoralari vakili ma’lum qildi, deya xabar beradi “TASS”.
Germaniya rasmiylari Fransiyaga sakkiz nafar politsiyachini jo‘natish niyatida. Ular mamlakat terma jamoasi o‘yinlari davomida tajovuzkor ishqibozlarni kuzatib boradi va yuzaga kelishi mumkin bo‘lgan tushunmovchiliklarni bartaraf etadi.
Rasmiylar 16-iyun kuni Parijda bo‘lib o‘tadigan Polsha terma jamoasi bilan o‘yinga qo‘shimcha kuchlarni yuborishi ehtimoldan xoli emas: ekspertlar ikki jamoa muxlislari o‘rtasida to‘qnashuvlar yuz berishi mumkinligini istisno etmagan.
Izoh (0)