Kopa Amerika—2016. Suaressiz o‘ynagan Urugvay guruh bosqichini muddatidan avval muvaffaqiyatsiz yakunladi (video)

AQSh mezbonlik qilayotgan futbol bo‘yicha Kopa Amerika—2016 turnirida “C” guruhi ishtirokchilari 2-turni yakunladi. Unga ko‘ra Yamayka va Urugvay termalari 3-tur natijasidan qat’i nazar musobaqa bilan xayrlashadigan bo‘ldi.

Birinchi turda Meksika terma jamoasidan 1:3 hisobida yengilgan Urugvay, 10-iyun tonggida Venesuelaga ham imkoniyatni boy berdi. “Vest Bromvich” klubi a’zosi Xose Solomon Rondon tomonidan kiritilgan yagona gol Urugvayni turnirdan chiqarib yubordi.

Guruhdagi ikkinchi bellashuvda Meksika Yamayka ustidan 2:0 hisobida muvaffaqiyat qozondi. Xavyer Ernandes hamda Oribe Peralta tomonidan kiritilgan gollarga yamaykalik futbolchilar javob qaytara olmadi.

“C” guruhida 3-tur bellashuvlari 14-iyun tonggida bo‘lib o‘tadi. Unda musobaqa bilan xayrlashadigan Urugvay va Yamayka terma jamoalari maydonga tushsa, guruh g‘olibi nomini aniqlash uchun Meksika hamda Venesuela termalari o‘zaro kurash olib boradi.

• Kopa Amerika—2016. Kolumbiya chorak finalning birinchi ishtirokchisiga aylandi (video)

• Kopa Amerika—2016. Braziliya Gaiti darvozasini yetti bor ishg‘ol qilishga erishdi (video)

Urugvay — Venesuela 0:1

Meksika — Yamayka 2:0