AQShning sport liboslari ishlab chiqaruvchi Nike kompaniyasi XXR shimoli-sharqidagi Szilin provinsiyasi ma’muriy markazi — Chanchun shahrida “gaokao” — oliy o‘quv yurtlariga qabul imtihonlari kuni arafasida abituriyentlarga “omad keltiradigan” sport kiyimlarini sotuvga chiqardi. Bu haqda, China Daily nashriga asoslanib, “TASS” xabar bermoqda.
Xitoy maktablarida bolalar odatda sport kiyimida yuradi. Bunday libosga ko‘pincha ta’lim muassasasining logotipi tushiriladi, ammo bu majburiy emas, shu bois Nike mahsuloti maktab o‘quvchilari va ularning ota-onalari orasida shiddat bilan tarqalmoqda.
“Nike libosini kiy va imtihonni topshir”, — deyiladi kompaniya taqdim etgan yangi libosga tushirilgan shiorda.
Kiyim qizil, yashil va ko‘k ranglarda ishlangan. Qizil eng yaxshi natijalarga erishish tilagini ifodalasa, yashil barcha qiyinchiliklarda “yashil chiroq”ni “yoqishi”, ko‘k esa ilhom baxsh etishi lozim.
Izoh (0)