Rossiya futbol ittifoqi (RFI) bosh kotibi Maksim Mitrofanovning ta’kidlashicha, FIFA va UEFA mavjud cheklovlarni olib tashlashga va Rossiya klublarini xalqaro musobaqalarga qaytarishga tayyor.
Uning ta’kidlashicha, bu yo‘lda ayrim Yevropa mamlakatlarining siyosiy qarshiliklari to‘siq bo‘lishi mumkin:
— Sizningcha, kelasi yilda Rossiya klublari Yevrokuboklarga qaytishi mumkinmi?
— FIFA va UEFA doirasida kuzatilayotgan umumiy tendensiyalarga qaraganda, ehtimol qaytishimiz mumkin. Barchasi bunga tayyor, ammo siyosatchilarning ta’siri bo‘ladi. Ayniqsa ayrim Yevropa davlatlari Rossiyani qaytarishga jiddiy qarshilik qilish mumkin, — deya Mitrofanovning so‘zlarini keltiradi Match TV.
Eslatib o‘tamiz, UEFA va FIFA tomonidan Rossiya futbol ittifoqiga nisbatan sanksiyalar 2022-yilning fevral–mart oylarida joriy etilgan edi. Ma’lumot uchun, Rossiya Ukrainaga qarshi harbiy yurishlari sabab sanksiyaga uchragan. Shu bois uch mavsumdan beri Rossiya Preymer Ligasi (RPL) vakillari Yevrokuboklarda ishtirok etmayapti. Valeriy Karpin boshchiligidagi milliy terma jamoa esa faqat o‘rtoqlik uchrashuvlari o‘tkazmoqda.
Izoh (0)