1-iyun — Xalqaro bolalarni himoya qilish kuni munosabati bilan Toshkentning “Lokomotiv” jamoasi vakillari Sog‘liqni saqlash vazirligi Respublika onkologiya ilmiy markazi bolalar bo‘limiga tashrif buyurdi. Bu haqda jamoaning Facebook’dagi sahifasi orqali ma’lum qilindi.
Tashrifdan ko‘zlangan maqsad bemor bolakaylarga sovg‘alar ulashib, ularning ko‘nglini ko‘tarish edi. “Lokomotiv” bosh direktori o‘rinbosari To‘labek Akramov, futbolchilar Timur Kapadze, Ivan Nagayev, Ma’mur Ikromov, Sergey Proxorov, Oleg Zoteyev, Temurxo‘ja Abduxoliqov, Sadriddin Abdullayev, jamoa ma’muri Baxtiyor Ismoilov va Ulug‘bek Usmonxo‘jayev, shifokor Abror Pirriyev hamda massajchi Abdurahim Sarimsoqovlar ilmiy markazda davolanayotgan bolalar bilan muloqot qildi.
Shuningdek, bolalarni taniqli so‘z ustasi Shukrullo Isroilov qutladi.
Izoh (0)