Bugun,

  • USD 11095.31
  • RUB 173.84
  • EUR 10772.44

Madridning “Real” jamoasi hujumchisi Karim Benzema o‘z vatanida bo‘lib o‘tadigan Yevropa chempionatida Fransiya terma jamoasi tarkibiga kiritilmagani hayotidagi eng achinarli holat ekanini aytdi, deb xabar bermoqda “TASS”.

Foto: Express

Foto: Express

“Chempionat” Fransiya terma jamoasining 10-iyundan 10-iyuliga qadar bo‘lib o‘tadian Yevro–2016 turnirida ishtirok etadigan futbolchilar ro‘yxatini e’lon qildi. 28 yoshli futbolchi qaydnomaga kiritilmadi.

“Fransiya terma jamoasining 2010-yilgi jahon chempionati tarkibiga kiritilmaganimda shokka tushgan edim, ammo o‘z uyingda bo‘lib o‘tadigan Yevropa chempionatini o‘tkazib yuborish yanada qiyin bo‘ladi. Bu hayotimdagi eng achinarli holat. Men ‘Real’ safida o‘yin amaliyotiga ega bo‘ldim, klub bilan Yevropa Chempionlar Ligasida zafar quchdim. Agar yomon futbolchi bo‘lganimda, sovrinlar yuta olmasdim”, – dedi Benzema.

Fransiya terma jamoasi safida ilk o‘yinini 2007-yilda o‘tkazgan Benzema bugungi kunga qadar 81 uchrashuvda maydonga tushib, 27 ta gol kiritishga muvaffaq bo‘lgan.

Eslatib o‘tamiz, Fransiya futbol federatsiyasi Matye Valbuenani shantaj qilish ishi bo‘yicha 2015-yil dekabrida Benzemani terma jamoadan vaqtincha chetlatgandi. Keyinchalik Fransiya sudi Benzemadan Valbuena bilan muloqot qilish bo‘yicha taqiqni olib tashladi va terma jamoa safida to‘p surishiga ruxsat berdi. Ammo Fransiya futbol federatsiyasi prezidenti Noel Le Gre futbolchining terma jamoaga qaytarilmasligini bildirgan edi.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi