30-mayning e’tiborga molik yangiliklari — “Daryo”ning kechki dayjestida.
1. Toshkentda favqulodda holatlar oldini olish bo‘yicha maxsus-taktik o‘quv mashg‘ulotlari o‘tkazilmoqda. Bayonotda aytilishicha, u manfaatdor vazirlik va idoralar bilan hamkorlikda olib borilmoqda.
2. “Barselona” Iroqda “Real” muxlislarining halok bo‘lishi munosabati bilan hamdardlik bildirdi. 4 nafar qurollangan terrorchi Baakuba shahrida ishqibozlarni o‘qqa tutishi natijasida 12 kishi halok bo‘ldi.
3. O‘zbekiston oliy ta’lim tizimi uchun xorij o‘quv va ilmiy adabiyotini xarid qilish choralari tasdiqlandi. 31-maygacha 980 nomdagi adabiyot yetkazib berish uchun shartnomalar tuzilishi lozim.
4. Raqobat qo‘mitasi Toshkent supermarketlaridan birida sotilayotgan qaymoqda ichak tayoqchasini aniqladi. “Xosiyatli qut-baraka” MChJning sifatsiz sut mahsulotlari ishlab chiqarishi va sotishiga chek qo‘yildi.
5. Toshkent hayvonot bog‘i rekonstruksiya qilinadi va akvanarium bilan to‘ldiriladi. Qarorda Samarqand va Farg‘ona shaharlarida Toshkent hayvonot bog‘ining filiallarini qurish va Termiz shahri hayvonot bog‘ini rekonstruksiya qilish belgilab qo‘yilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)