«Барселона»нинг ҳамдардлиги, Тошкентда қуриладиган акванариум, ИИВнинг махсус-тактик ўқув машғулотлари ва куннинг бошқа муҳим янгиликлари

30 майнинг эътиборга молик янгиликлари — «Дарё»нинг кечки дайжестида.

1. Тошкентда фавқулодда ҳолатлар олдини олиш бўйича махсус-тактик ўқув машғулотлари ўтказилмоқда. Баёнотда айтилишича, у манфаатдор вазирлик ва идоралар билан ҳамкорликда олиб борилмоқда.

2. «Барселона» Ироқда «Реал» мухлисларининг ҳалок бўлиши муносабати билан ҳамдардлик билдирди. 4 нафар қуролланган террорчи Баакуба шаҳрида ишқибозларни ўққа тутиши натижасида 12 киши ҳалок бўлди.

3. Ўзбекистон олий таълим тизими учун хориж ўқув ва илмий адабиётини харид қилиш чоралари тасдиқланди. 31 майгача 980 номдаги адабиёт етказиб бериш учун шартномалар тузилиши лозим.

4. Рақобат қўмитаси Тошкент супермаркетларидан бирида сотилаётган қаймоқда ичак таёқчасини аниқлади. «Хосиятли қут-барака» МЧЖнинг сифатсиз сут маҳсулотлари ишлаб чиқариши ва сотишига чек қўйилди.

5. Тошкент ҳайвонот боғи реконструкция қилинади ва акванариум билан тўлдирилади. Қарорда Самарқанд ва Фарғона шаҳарларида Тошкент ҳайвонот боғининг филиалларини қуриш ва Термиз шаҳри ҳайвонот боғини реконструкция қилиш белгилаб қўйилган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.