AQShning Florida shtatida poliz maydonidan tarvuz o‘g‘irlagan timsoh jinoyat ustida tutib olindi. Bu haqda qishloq xo‘jaligi jinoyatlari bilan kurash bo‘yicha bo‘limning Facebook’dagi sahifasida xabar berildi.
Timsoh tarvuzni tishlab olgan holda qirg‘oqdan daryoga qarab tushib borayotgani aks etgan surat tagiga “Timsoh Xendri okrugidagi poliz maydonida tarvuz o‘g‘irlash vaqtida tutildi”, — deya qayd etilgan.
Associated Press yozishicha, yovvoyi tabiatni o‘rganishga ixtisoslashgan biolog Stiv Stigler timsohning bunday xatti-harakatini juda noodatiy deb topdi, chunki bu sudralib yuruvchilar odatda tarvuz bilan oziqlanmaydi. U timsohda shirinlikka moyillik paydo bo‘lishiga odamlar yirtqichlarga ko‘pincha qiyom (pastila) berib boqishi bilan izohladi, aslida esa bu shtat qonuni orqali taqiqlangan.
Izoh (0)