Toshkent shahrining Uchtepa tumanidagi ko‘p qavatli uylardan birining podyezdida taxminan 9–10 oylik bola tashlab ketildi. Bu haqda Facebook’dagi “Potrebitel.uz” guruhida ma’lum qilindi.
Xabarnomada aytilishicha, bolani topgan militsiya xodimlari uni tumandagi 3-sonli shahar bolalar klinik shifoxonasiga olib borgan. Bugun, 18-may kuni, yoki ertaga shifokorlar uni tibbiy ko‘rikdan o‘tkazib, mehribonlik uyiga yo‘llaydi.
Bolani kim va qanday shart-sharoitlarda tashlab ketgani noma’lum.
Bolani tanigan yoki uning ota-onasini bilganlardan shifoxona xodimlari bilan quyidagi raqam orqali bog‘lanish so‘raladi: +99871-2473019.
Izoh (0)