Toshkentda 16-may, dushanba kuni kuzatilgan yog‘ingarchilik oqibatida shaharning qator ko‘chalarida suvga to‘lgan. Bu haqda UZ24 nashri xabar bermoqda, Facebook’dagi “Voditeli Tashkenta”, “Voditeli Tashkenta (Drivers.uz)” guruhlarida fotoxabarlar qoldirilgan.
UZ24’ning yozishicha, ba’zi joylarda suv bir necha santimetrgacha ko‘tarilgan. Xabarlarga ilova qilingan suratlarda avtomobillar suvda suzib yurgandek harakatlanayotganini ko‘rish mumkin.
Avvalroq “O‘zgidromet” markazi 16-may kni Toshkent shahrida vaqti-vaqti bilan qisqa muddatli yomg‘ir kuzatilishi, momaqaldiroq bo‘lishi haqida axborot bergan edi.
Qayd etish joiz, Toshkent ko‘chalari yomg‘ir sabab birinchi marta suv ostida qolayotgani yo‘q. Masalan, 2016-yilning mart oyida shiddatli yomg‘irdan so‘ng shaharning aksariyat yo‘llari suv bilan to‘lgan edi.
Izoh (0)