IShID jangarilari yaqinda Iroq shimolidagi qishloqlardan biriga amalga oshirgan hujumi chog‘ida kurd ko‘ngilli jangchilariga qarshi kimyoviy qurol qo‘llagan. Bu haqda “Interfaks” xabar bermoqda.
Eronning Press TV telekanali ma’lumotlariga ko‘ra, jangarilar Kirkukdan 20 kilometr uzoqlikdagi Bashir qishlog‘iga xlorin zaryadli snaryadlar yo‘llagan. Ayrim kurd jangchilari nafas yo‘llari shikastlanishi alomatlari bilan kasalxonaga yotqizilgani bildirilmoqda.
Oldinroq IShID gaz bilan to‘ldirilgan snaryadlar yordamida o‘qqa tutayotgani haqida Kirkuk janubida joylashgan ko‘ngillilar otryadlari qo‘mondoni ma’lum qilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)