Ўзбекистон Соғлиқни сақлаш вазирлиги 1003 рақамли ягона ишонч телефонини ишга туширди. Бу ҳақда, вазирлик матбуот хизматига асосланиб, «Газета.uz» хабар бермоқда.
Кеча-кундуз ишлайдиган телефон рақами орқали ахборот олиш ҳамда соғлиқни сақлаш муассасалари ходимларининг қонунга зид ҳаракатлари ҳақида хабар бериш мумкин.
Ишонч телефони орқали маслаҳатлар фуқаронинг исми ва отасининг исми бош ҳарфлари ҳамда фамилияси маълум қилинганидан сўнг берилади.
Амалга оширилган ёки амалга оширишга тайёрланаётган ҳуқуқбузарлик белгилари мавжуд бўлган эгаси номаълум (аноним) ахборот ҳуқуқни муҳофаза қилиш идораларига топширилиши мумкин.
Бунгача 1003 телефон рақами Тошкентдаги Doctor Service клиникасига тегишли эди. Энди мазкур клиника диспетчерлик хизмати билан 1072 телефон рақами орқали боғланиш мумкин.
Изоҳ (0)