“Championat.asia” nashrining Facebook’dagi sahifasida “Barselona” himoyachisi Jerar Pike va “Olmaliq” futbol klubi darvozaboni Roman Abdulovning surati e’lon qilindi. Suratda Pike va Abdulov o‘zaro o‘xshash ekaniga sha’ma qilinib, bir-biridan ajratib ko‘rish tavsiya etilgan.
“Tashqi ko‘rinishini aytmaganda, osmon bilan yerchalik farq bor”, – deb yozdi foydalanuvchilardan biri. “Ikkita rasmda ham Pikening o‘zi-ku! ‘Paxtakor’ stadionida o‘zim ko‘rgan edim. Faqat pastdagi rasmda unchalik o‘xshamayapti, qandaydir fotomontajga o‘xshaydi” – deya hazil tariqasida izoh qoldirdi boshqa bir foydalanuvchi.
Foydalanuvchilar orasida futbolchilarni bir-biriga o‘xshamasligini ta’kidlaganlar ham bo‘ldi. Yana bir foydalanuvchi suratdagilarni britaniyalik aktyor, Undisputed (“Muhokama qilinmaydi” – “Daryo” tarjimasi) filmida Yuriy Boyka rolini ijro etgan Skott Edkinsga o‘xshatdi.
Izoh (0)