«Championat.asia» нашрининг Facebook’даги саҳифасида «Барселона» ҳимоячиси Жерар Пике ва «Олмалиқ» футбол клуби дарвозабони Роман Абдуловнинг сурати эълон қилинди. Суратда Пике ва Абдулов ўзаро ўхшаш эканига шаъма қилиниб, бир-биридан ажратиб кўриш тавсия этилган.
«Ташқи кўринишини айтмаганда, осмон билан ерчалик фарқ бор», – деб ёзди фойдаланувчилардан бири. «Иккита расмда ҳам Пикенинг ўзи-ку! ‘Пахтакор’ стадионида ўзим кўрган эдим. Фақат пастдаги расмда унчалик ўхшамаяпти, қандайдир фотомонтажга ўхшайди» – дея ҳазил тариқасида изоҳ қолдирди бошқа бир фойдаланувчи.
Фойдаланувчилар орасида футболчиларни бир-бирига ўхшамаслигини таъкидлаганлар ҳам бўлди. Яна бир фойдаланувчи суратдагиларни британиялик актёр, Undisputed («Муҳокама қилинмайди» – «Дарё» таржимаси) фильмида Юрий Бойка ролини ижро этган Скотт Эдкинсга ўхшатди.
Изоҳ (0)