“O‘zavtosanoat” va “Avtooyna” vakillari Rossiyada bo‘lib, u yerdagi hamkasblari bilan tajriba almashdi
2016-yilning birinchi choragida “O‘zavtosanoat” AK va “Avtooyna” MChJ vakillari Rossiyaning Moskva, Sankt-Peterburg va boshqa shaharlarida bo‘lib, avtomobillar uchun butlovchi qismlar ishlab chiqaruvchi, ehtiyot qismlarni import qiluvchi korxonalar faoliyati bilan tanishdi hamda rossiyalik hamkasblari bilan uchrashuvlar o‘tkazdi. Bu haqda “O‘zavtosanoat” axborot xizmati ma’lumot berdi.
O‘zbekiston vakillari Sankt-Peterburgdagi avtomobilsozlik korxonalariga tashrifi mobaynida Nissan Manufakturing Rus, “Gestamp Severstal Vsevolojsk” va Volkswagen Group Rus kompaniyalarining ishlab chiqarish korxonalarida bo‘ldi, shuningdek, Rossiyaning Avtomobillar uchun butlovchi qismlarni ishlab chiqarish milliy uyushmasi tomonidan tashkil etilgan tadbirlarda ishtirok etdi.
