«Ўзавтосаноат» ва «Автоойна» вакиллари Россияда бўлиб, у ердаги ҳамкасблари билан тажриба алмашди

2016 йилнинг биринчи чорагида «Ўзавтосаноат» АК  ва «Автоойна» МЧЖ вакиллари Россиянинг Москва, Санкт-Петербург ва бошқа шаҳарларида бўлиб, автомобиллар учун бутловчи қисмлар ишлаб чиқарувчи, эҳтиёт қисмларни импорт қилувчи корхоналар фаолияти билан танишди ҳамда россиялик ҳамкасблари билан учрашувлар ўтказди. Бу ҳақда «Ўзавтосаноат» ахборот хизмати маълумот берди.

Ўзбекистон вакиллари Санкт-Петербургдаги автомобилсозлик корхоналарига ташрифи мобайнида Nissan Manufakturing Rus, «Гестамп Северсталь Всеволожск» ва Volkswagen Group Rus компанияларининг ишлаб чиқариш корхоналарида бўлди, шунингдек, Россиянинг Автомобиллар учун бутловчи қисмларни ишлаб чиқариш миллий уюшмаси томонидан ташкил этилган тадбирларда иштирок этди.