Oliy liga, 5-tur. “Andijon”ni mag‘lub etgan “Buxoro” 5-o‘ringa ko‘tarildi

Futbol bo‘yicha O‘zbekiston Oliy Ligasida 5-tur uchrashuvlari to‘liq yakunlandi. Turning so‘nggi o‘yinida mag‘lubiyat nima ekanligini bilmay kelayotgan “Buxoro” klubi “Andijon” ustidan yirik g‘alabaga erishdi.

“Buxoro” klubi bunga qadar o‘tkazilgan 4 ta o‘yinning 2 tasida zafar quchgan va yana 2 tasida durang o‘ynagandi. “Andijon” ustidan qozonilgan g‘alabadan keyin jamoa turnir jadvalida 5-o‘ringa ko‘tarilib oldi.

Mazkur o‘yindan keyin Oliy Ligada gol o‘tkazib yubormagan klubning o‘zi qolmadi. 5-turdan keyin “Obod” va “Sho‘rtan”da birorta ham g‘alaba yo‘q. Yana 6 ta klub mag‘lub bo‘lib ulgurmagan.

Turnir jadvalida uch klub 13 tadan ochko jamg‘argan: “Lokomotiv”, “Bunyodkor” va “Nasaf”. “Metallurg”da 12, “Buxoro” va “Qizilqum”da 11 ochko mavjud. “Paxtakor” 9 ochko bilan 7-o‘rinda bormoqda.

O‘zbekiston Oliy Ligasi 5-tur bellashuvi 17-aprel, yakshanba

“Buxoro” — “Andijon” 5:2

• Oliy Liga, 5-tur. Mag‘lub bo‘lmay kelayotgan “Qizilqum” “Paxtakor”ni 2 ochkodan mosuvo qildi

• Oliy liga, 5-tur. “Olmaliq”ni mag‘lub etgan “Bunyodkor” 2-o‘ringa ko‘tarildi

• Oliy liga. “So‘g‘diyona” Farg‘onada zafar quchdi, “Navbahor” birinchi g‘alabasiga erishdi