“Barselona” jamoasi hujumchisi Lionel Messi “Atletiko”ga qarshi (2:1) Yevropa Chempionlar Ligasi chorak finalida gol kiritmadi va uning kataloniyaliklar safidagi golsiz seriyasi 272 daqiqaga yetdi, deb xabar qilmoqda “Sports.ru”.
So‘nggi bor argentinalik hujumchi “Barselona” safida 16-mart kuni “Arsenal”ga qarshi (3:1) YeChL nimchorak final javob o‘yinining 88-daqiqasida gol kiritgan edi.
Qayd etish joiz, Argentina termasi safida Lionel Messi, 30-mart kuni Janubiy Amerika qit’asida JCh–2018 saralash bahslari 6-turida Boliviyaga qarshi (2:0) o‘yinda penaltidan gol kiritgan edi.
Ma’lumot o‘rnida, 28 yoshli Lionel Messining faoliyatidagi gollari soni 499 tani tashkil etadi.
Mavzuga oid:
Izoh (0)