AQShning Mayami shahrida o‘tgan juma GTA o‘yining eng yaxshi an’analariga xos poyga bo‘lib o‘tdi. Fox News telekanali cheklangan tezlik qoidasini buzgan haydovchining ortidan K-9 maxsus bo‘linmasining iti bor o‘nlab xodimlari qanday qilib quvlagani va qurshab olgani tasvirlangan videoni e’lon qildi.
TJournal’ning yozishicha, qochoq avtomobil boshi berk ko‘chaga kirib qolganidan so‘ng, haydovchi ortga yurib, hodisa joyidan yashirinmoqchi bo‘lgan, biroq eshigi boshqa mashinaga urilib, sinib ketgan. Politsiyachilar bundan foydalanib, qoidabuzarga qarshi itlarni qo‘yib yuborgan.
Xabar berishlaricha, qo‘lga olish operatsiyasi vaqtida K-9 bo‘linmasining Baster laqabli xodimi biroz shikastlangan.
Videoyozuvning to‘liq versiyasida politsiyachilar yetti daqiqa davomida qizil Nissan Altima’ga yetib olish uchun muvaffaqiyatsiz uringanini ko‘rish mumkin.
Izoh (0)