AQShning Tesla Motors kompaniyasiga Model 3 elektromobilining yangi modeliga rekord darajada — 276 mingta buyurtma kelib tushdi. Bu haqda “TASS” xabar bermoqda.
“2-aprel, shanba kuni oxiriga kelib 276 mingta buyurtma oldik. Ularning soni 500 minggacha yetishini taxmin qilyapmiz. Agar talab shu darajada qolsa, ularni qondirish uchun Yevropada ikkinchi avtoyig‘ish korxonasini ochishga to‘g‘ri keladi”, — deya ta’kidlagan kompaniya rahbari Ilon Mask.
Shuningdek, Mask buyurtmalarni bajarishda uchrayotgan muddatdan o‘tib ketish holatlariga barham berishni ham va’da qildi. Uning tan olishicha, joriy yil birinchi choragida bunday vaziyatlar bo‘lgan va ular asosan ehtiyot qismlar yetishmasligi hamda Model X yo‘ltanlamasidagi “haddan ziyod zamonaviy texnologiyalar” bilan bog‘liq.
Eslatib o‘tamiz, 1-aprel kuni Tesla kompaniyasi narxi 35 ming dollardan boshlanadigan Model 3 elektromobilini taqdim etdi.
Izoh (0)