Facebook’dagi “Voditeli Tashkenta” guruhida e’lon qilingan Toshkentning Qoratosh ko‘chasida qarama-qarshi qatnov qismini ajratib turuvchi sidirg‘a chiziq ustidan beton bordyur yotqizayotgan maxsus texnika surati qizg‘in muhokamalarga sabab bo‘ldi.
“Bu mo‘jiza-mashina va nihoyat bizgacha yetib keldi”, — deb yozadi suratni guruhga joylashtirgan foydalanuvchi. Foydalanuvchilarning yozishicha, suratdagi Power Curber mashinasi balandligi 10 santimetrdan 1,5 metrgacha bo‘lgan bordyurlarni yotqiza oladi.
Foydalanuvchilar davlat korxonalaridan birida shunday maxsus texnikadan ikkitasi borligini yozgan. Muhokamalar jarayonida e’lon qilingan suratlarning birida D’Avino tomonidan ishlab chiqarilgan va “Betoner.uz” kompaniyasiga tegishli betonyotqizgichni ko‘rish mumkin.
“ServisKranTexnika” kompaniyasi ma’lumotlariga ko‘ra, bunday betyotqizgich texnikalar nafaqat bordyur yotqizadi, modeliga qarab (masalan, TC-2700 modeli) 8 metrgacha beton yo‘l ham yotqiza oladi.
Izoh (0)