Bryussel metrosidagi teraktni ikki kishi sodir etgan bo‘lishi mumkin, deb xabar bermoqda Meduza RTBF telekanaliga tayangan holda. Ilgari metropolitendagi portlashlarni bir nafar terrorchi amalga oshirgani taxmin qilinayotgan edi.
Metrodagi kuzatuv kameralari qaydlariga ikkinchi gumondor shaxs ham tushib qolgani aniqlandi. Portlashdan bir muddat oldin u terrorchi Xolid Bakraviy bilan katta sumkani olib ketayotgani yozuvlarda aks etgan.
Gumondorlar ro‘yxatiga qo‘shilgan yangi shaxs xudkush bo‘lgani yoki teraktni amalga oshirib, voqea joyidan qochib ketgani borasida hozircha aniq ma’lumot yo‘q.
Izoh (0)