Yangi Zelandiya fuqarolari davlat bayrog‘i almashishiga qarshi ovoz berdi: referendumda ishtirok etganlarning 56,6 foizi eski bayroq saqlanib qolishini yoqladi. Bu haqda mamlakat bosh vaziri Jon Key ma’lum qilgan, deya xabar beradi Meduza.
Jon Key Yangi Zelandiya davlat bayrog‘ini almashtirishni 2014-yil sentabrida taklif etgandi. U o‘z g‘oyasini bayroq Avstraliya bayrog‘iga juda o‘xshash ekanligi va bu adashuvga olib kelayotgani bilan izohlagan.
Alternativ variant — qora-ko‘k fondagi kumushrang qirqquloq novdasini ovoz berganlarning 43,2 foizi ma’qullagan. U bir necha bosqichda bo‘lib o‘tgan ovoz berish yakunlari bo‘yicha tanlangandi.
Referendumni o‘tkazish Yangi Zelandiya iqtisodiyotiga 17,6 million AQSh dollariga tushgan.
Izoh (0)