“Daryo”ga super muharrirni ishga olamiz!

O‘zbekistondagi eng ommabop internet-nashrda ishlashni xohlaysizmi? Dunyo va O‘zbekistondagi so‘nggi yangiliklarni o‘z tengqurlaringizga muntazam yetkazishni-chi? Yoshlar bilan doim muloqotda bo‘lishni-chi?

Biz bir vaqtning o‘zida bir necha vazifalarni qo‘rqmasdan, e’tibor bilan uddalay oladigan super muharrirni ishga olamiz. Bizda hozircha bitta shunday super muharrir bor, lekin ish hajmi ortgandan ortmoqda. Maqsadimiz — o‘z mushtariylarimizga tekshirilgan, musahhih ko‘rigidan o‘tgan, sifatli axborotni yanada ko‘proq taqdim etish.

Ammo O‘zbekistonning eng ommabop internet-nashrida ishlash oson emas! Zo‘r jurnalistlarni ishga olishimiz haqidagi avvalgi e’lonlarimizdan so‘ng bizga yuzlab rezyumelar kelib tushgan va sanoqli nomzodlarnigina ishga olganmiz.

Bizga super muharrir kerak!

Vazifalaringiz:

• “Daryo” jurnalistlari tayyorlagan xabarlarni chop etilishidan avval tekshirish (musahhih sifatida), tahrir qilish (muharrir sifatida);
• “Daryo” jurnalistlari tayyorlagan tarjima xabarlaridagi faktlarni chop etilishidan avval manba bilan qiyoslab tekshirish;
• “Daryo” internet-nashri uchun xabar va mualliflik maqolalari yozish;
• Chet el internet-nashrlari va axborot agentliklari xabarlarini tarjima qilish;
• Facebook, Twitter, “Odnoklassniki” va “Muloqot”dagi “Daryo” guruhlarini o‘zbek tilida yuritish;
• va internet-jurnalistikaga bog‘liq boshqa vazifalar.

Bizda:

• Oylik: 1 million so‘m va undan yuqori;
• Yangi, zamonaviy kompyuter;
• Yosh, qiziqarli, xushchaqchaq jamoa;
• Bepul, mazali tushlik (bay-bay-bay);
• Ofisimiz shaharning qoq markazida (“Bunyodkor” metrosi yonginasida);
• Rasmiy mehnat shartnomasi.

Sizga qo‘yiladigan talablar:

• O‘zbek va rus (yoki ingliz) tillarini mukammal bilish;
• Lotin grafikasiga asoslangan o‘zbek yozuvini mukammal bilish;
• Yoshingiz: 20 dan 30 gacha;
• Oliy ma’lumot (universitetni bitirgan bo‘lishingiz kerak);
• Kompyuterda bemalol ishlash;
• Toshkent shahri yoki Toshkent viloyati propiskasi (vaqtincha propiska ham bo‘lishi mumkin).

Qiziqdingizmi? U holda:

• https://meduza.io/news/2016/03/11/kurs-dollara-na-moskovskoy-birzhe-opustilsya-nizhe-70-rubley
• https://meduza.io/news/2016/03/11/advokat-rasskazal-o-kriticheskom-sostoyanii-savchenko-posle-golodovki

“Daryo” stilistikasi nima?

• Qisqa va lo‘nda (160—200 so‘z);
• Kirish so‘z va xotima;
• 20—30 yoshli auditoriya uchun qiziq bo‘lgan mavzu;
• Raqamlarga e’tibor;
• O‘ziga jalb qiluvchi sarlavha;
• Eniga kamida 900 pikselli fotosurat.

Yuqoridagi talablarni bajargan holda, tarjimalaringizni Microsoft Word formatida, rezyumengiz bilan birga rezyume@simple.uz elektron manziliga yuboring. Tarjimasiz xatlar qabul qilinmaydi va ularga javob berilmaydi.

Ta’kidlash joiz, talablarga javob bermagan tarjimalar ko‘rib chiqilmaydi.

“Daryo” nashri haqida

“Daryo” nashriga bir oyda 1 milliondan ortiq kishi tashrif buyuradi. “Daryo” O‘zbekistondagi eng ommabop onlayn-OAV bo‘lib, 2014-yil o‘tkazilgan Milliy UZ domeni internet festivalida ushbu ko‘rsatkich alohida e’tirof etilgan.

Ana shunaqa! :)