Nyu-yorklik professional grumer (jonivorlar yungini parvarish qiluvchi mutaxassis) Mark Imxov egasiz, ko‘chada qolib ketgan keksa itlarga yordam berishning o‘ziga xos yo‘lini topdi. AdMe’ning yozishicha, u jonivorlar saqlanadigan muassasalarga borib, u yerdagi jonivorlar o‘ziga yangi ega topa olishi uchun, ularga bepul sartaroshlik qiladi.
Keksa, yungi o‘sib ketgan itlarning yangi uy topish imkoniyati juda kam.
Shu bois, qallig‘ining maslahatiga ko‘ra, Mark jonivorlarga yordam ko‘rsatishga qaror qildi.
Uning yordami bilan baroq uy jonivorlari chiroyli, kelishgan kuchukchalarga aylanadi.
“Qallig‘im jonivorlar bilan muloqot menga ulkan zavq taqdim etishini yaxshi biladi, shu bois bu maslahatni berdi”, – deydi Mark.
Mark va uning qallig‘i o‘zlarining dastlabki itini asrab olganida, u jonivor ham irkit va serjun bo‘lgan.
“Men ko‘rinishi ustida ishlaganim birinchi it namunali fe’l-atvori bilan ajralib turmasdi”.
“Bilasizmi, agar ko‘rinishingiz o‘sha itnikiga o‘xshasa, siz ham mo‘min-qobil bo‘lib ko‘rinmasdingiz”.
“Men uni tartibga keltirdim va u tarbiyali itga aylandi”.
“Tashqi ko‘rinishidagi o‘zgarishidan so‘ng itlar yaxshi tomonga o‘zgarishini ko‘rib, kayfiyatim ko‘tariladi”.
“Ular bo‘lajak xo‘jayinlariga ham mehr ko‘rsatishlariga ishonchim komil”.
Izoh (0)