Qualcomm Snapdragon chipseti bazasidagi Windows 10 operatsion tizimida ishlovchi dunyodagi ilk smartfon MWC 2016 ko‘rgazmasida Hewlett-Packard kompaniyasi tomonidan taqdim etildi, deb yozadi “Hi-tech.mail.ru”.
HP Elite X3 chang va namlikdan himoyalangan korpus hamda smartfonni kompyuter sifatida ishlatish imkonini beruvchi Continuum funksiyasiga ega bo‘ldi.
HP’ning yangi smartfoni asosini tashkil etgan Qualcomm Snapdragon 820 chipseti to‘rtta yadro va Adreno 530 grafikiasidan iborat. Smartfon 4 Gb tezkor va 64 Gb ichki xotira (+microSD), 6 dyuymli, 1440×2560 pikselli ekran, 8 va 16 megapikselli kameralar bilan ta’minlandi.
Qurilma yarim soat davomida 1 metr chuqurlikdagi suvda turib, ziyon ko‘rmaslik imkonini beruvchi IP67 sinfidagi himoyaga ega. Shuningdek, MIL-STD-810-G sinfi bo‘yicha inson bo‘yiga teng balandlikdan qulashdan himoyalangan.
Izoh (0)