Rossiya G‘arbdan qabul qilingan sanksiyalar bekor qilinishini so‘ramaydi. Bu haqda Rossiya bosh vaziri Dmitriy Medvedev Time jurnaliga bergan intervyusida ma’lum qildi deya xabar beradi “RIA Novosti”.
“Biz hech qachon ushbu sanksiyalar bekor qilinishini so‘ramaymiz. O‘zlari ‘kelinglar, bularning barchasiga barham beraylik, bundan hammaga zarar bo‘lsa bo‘ldiki, hech kim foyda ko‘rgani yo‘q’, deyishadi”, — deya ta’kidlagan Medvedev.
Rossiya hukumati rahbari mamlakat mazkur choralar tufayli katta zarar ko‘rmaganligi, sanksiyalar joriy etilgani uchun javobgarlik esa Yevroittifoq mamlakatlari va ularni qo‘llab-quvvatlagan davlatlar, jumladan, AQSh va Kanada zimmasida ekanligini bildirdi.
Izoh (0)