Yevropa Ittifoqi Belarusga nisbatan amal qilishi oktabrda vaqtincha to‘xtatilgan sanksiyalarni bekor qiladi. Bu haqda diplomatik doiralar manbasi ma’lumotiga tayanib, Meduza xabar beradi.
Ma’lum qilinishicha, ushbu qaror 15-fevral, dushanba kuni YeI mamlakatlari tashqi ishlar vazirlarining Bryusseldagi uchrashuvida qabul qilinishi mumkin. Sanksiyalarning olib tashlanishi oy oxirida, ularni to‘rt oyga to‘xtatib qo‘yish muddati yakunlanganda kuchga kirishi mumkin.
So‘z aktivlarni muzlatib qo‘yish va YeIga 170 kishi, jumladan, Belarus prezidenti Aleksandr Lukashenkoning tashrif buyurishiga taqiq, shuningdek, uchta tashkilotga nisbatan sanksiyalarning bekor qilinishi haqida bormoqda.
Belarusga qurol yetkazib berish bo‘yicha taqiq va YeI respublikada odamlarning g‘oyib bo‘lishiga aloqador deb hisoblovchi to‘rt kishiga nisbatan sanksiyalar o‘z kuchida qoladi.