Volkswagen konserni AQShda 680 mingga yaqin avtomobilni Yaponiyaning Takata kompaniyasi tomonidan ishlab chiqarilgan xavfsizlik yostiqlaridagi nuqson tufayli qaytarib oladi, deya xabar bermoqda “TASS”.
Servis aksiyasi 2006-yildan 2014-yilgacha bo‘lgan davrda chiqarilgan Passat, Eos, Golf va Jetta modellariga tegishli bo‘ladi. Nosoz xavfsizlik yostiqlari yo‘l-transport hodisasi chog‘ida noto‘g‘ri ochilishi yoki hatto salondagi kishiga qarata metall bo‘laklarini otishi mumkin.
Nashr eslatishicha, avvalroq AQShda Germaniyaning yana bir avtomobil kompaniyasi — Daimler 705 mingta yengil avtomobil va 136 mingta minivenni qaytarib olishga qaror qilgan edi.
Izoh (0)