Gentra Rossiyadagi 25 ta eng xaridorgir avtomobillardan biri bo‘ldi

Yanvar oyida Rossiyada GM Uzbekistan tomonidan ishlab chiqarilgan 1269 ta avtomobil sotildi, deya xabar bermoqda “Gazeta.uz” Yevropa biznesi assotsiatsiyasi Avtomobil ishlab chiqaruvchilar qo‘mitasi ma’lumotlariga tayanib. Bu o‘tgan yil yanvaridagi ko‘rsatkichdan 37 foizga kam demakdir (2015 ta avtomobil).

Gentra modeli oyning eng ko‘p sotilgan 25 ta avtomobili ro‘yxatiga kirdi (23-o‘rin), savdo hajmi 957 ta mashinani tashkil etdi (o‘tgan yili — 967 ta).

GM Uzbekistan’ning Rossiya bozoridagi ulushi yilning ilk oyi davomida o‘tgan yil yanvaridagi 1,7 foizdan 1,6 foizgacha qisqardi.

Bir oy ichida Rossiyada jami 81 849 ta yangi yengil va yengil tijorat mashinalari sotildi (pasayish 29,1%). Yetakchilar o‘ntaligidagi to‘qqizta model mahalliy ishlab chiqaruvchilarga tegishli.