Gentra Россиядаги 25 та энг харидоргир автомобиллардан бири бўлди

Январь ойида Россияда GM Uzbekistan томонидан ишлаб чиқарилган 1269 та автомобиль сотилди, дея хабар бермоқда «Газета.uz» Европа бизнеси ассоциацияси Автомобиль ишлаб чиқарувчилар қўмитаси маълумотларига таяниб. Бу ўтган йил январидаги кўрсаткичдан 37 фоизга кам демакдир (2015 та автомобиль).

Gentra модели ойнинг энг кўп сотилган 25 та автомобили рўйхатига кирди (23-ўрин), савдо ҳажми 957 та машинани ташкил этди (ўтган йили — 967 та).

GM Uzbekistan’нинг Россия бозоридаги улуши йилнинг илк ойи давомида ўтган йил январидаги 1,7 фоиздан 1,6 фоизгача қисқарди.

Бир ой ичида Россияда жами 81 849 та янги енгил ва енгил тижорат машиналари сотилди (пасайиш 29,1%). Етакчилар ўнталигидаги тўққизта модель маҳаллий ишлаб чиқарувчиларга тегишли.