Avstraliyada takroran Zika virusi bilan kasallanish holati aniqlandi

Kvinslend shtatining hukumati shtatda Zika virusi bilan kasallanish holati joriy yilda takroran qayd etilganligini bayon qildi. Bu haqda “TASS” xabar qilmoqda.

Kasallangan ayol yaqinda Salvadordan qaytib kelganligi aniqlangan. Ta’kidlanishicha, ayni vaqtda ayol shifoxonadan uyiga ketgan. Unga va uning oila a’zolari yoki boshqa odamlarga hech qanday xavf yo‘q.

Avstraliyada hozirga qadar virus bilan kasallangan odamlar soni 24 nafarni, shu jumladan, joriy yilda uch nafarni tashkil etdi. Kasallangan avstraliyaliklar barcha holatlarda chet elda bo‘lib kelgan.