4 февраль, пайшанба куни АҚШ пойтахтидаги Washington Hilton меҳмонхонасида бўлиб ўтадиган ибодатга йўғрилган нонуштада Украинадаги турли сиёсий доираларнинг 25 га яқин вакили иштирок этади. Бу ҳақда «Корреспондент.net» хабар бермоқда.
Нонушта руҳий тусдаги тадбир мақомига эга бўлгани учун украиналик вакилларнинг исм-шарифлари ошкор этилмаган. Олдинги йиллардаги Обама билан нонуштага қиёс қилган ҳолда, унда Украина ҳукумати, мухолифат вакиллари, депутатлар ва диний етакчилар иштирокини кутиш мумкин.
Ҳар йили бу тадбирга 100 дан зиёд мамлакатдан 3,5 минггача бўлган меҳмон тўпланади. Хавфсизлик нуқтаи назаридан, шунингдек, тадбир сиёсатдан йироқ бўлгани учун уларнинг рўйхати аввал ҳам, кейин ҳам эълон қилинмайди. Одатда меҳмонлар ўртасида АҚШ президенти ва таклиф этилганлардан бири чиқиш қилади.
Изоҳ (0)