WTI markasidagi neft narxi barreliga 30 dollardan ham tushib ketdi

2-fevral, seshanba kuni neft narxi 5 foizdan ham ko‘proqqa pasayib ketdi, deb xabar qiladi “Interfaks”.

Brent markasidagi neftning narxi Londondagi ICE Futures birjasida Toshkent vaqti bo‘yicha 19:57 da 1,8 dollar (5,26%)ga tushib ketdi va bir barrel neftning narxi 32,44 dollarni tashkil qildi.

WTI markasidagi neftning mart oyi fyucherlasi uchun Nyu-York tovar birjasi (NYMEX)dagi qiymati 1,72 dollar (5,44%)ga tushdi va barreliga 29,9 dollarni tashkil etdi.