Rossiya mudofaa vazirligi turk harbiylarini Suriya hududini o‘qqa tutishda aybladi

Rossiya mudofaa vazirligi turk harbiylari tomonidan Suriya hududi o‘qqa tutilganining inkor etib bo‘lmas dalillariga ega. Bu haqda vazirlik rasmiy vakili Igor Konashenkov ma’lum qildi, deya xabar beradi “Gazeta.ru”.

Konashenkovning bildirishicha, rossiyalik harbiylar ixtiyorida, jumladan, muxolifat tomonidan tasvirga olingan va Suriya hududi o‘qqa tutilgani aks ettirilgan videolavhalar bor.

“Buni fakt deyiladi. Bu Turkiya qurolli kuchlari chegara yaqinidagi Suriya aholi punktlarini yirik kalibrli artilleriya tizimlaridan o‘qqa tutganining rad etib bo‘lmas isbotidir”, — deya ta’kidlagan Konashenkov.