Россия мудофаа вазирлиги турк ҳарбийлари томонидан Сурия ҳудуди ўққа тутилганининг инкор этиб бўлмас далилларига эга. Бу ҳақда вазирлик расмий вакили Игорь Конашенков маълум қилди, дея хабар беради «Газета.ru».
Конашенковнинг билдиришича, россиялик ҳарбийлар ихтиёрида, жумладан, мухолифат томонидан тасвирга олинган ва Сурия ҳудуди ўққа тутилгани акс эттирилган видеолавҳалар бор.
«Буни факт дейилади. Бу Туркия қуролли кучлари чегара яқинидаги Сурия аҳоли пунктларини йирик калибрли артиллерия тизимларидан ўққа тутганининг рад этиб бўлмас исботидир», — дея таъкидлаган Конашенков.
Изоҳ (0)