Toshkentda 2015-yil davomida yo‘l harakati qoidalariga yetarli darajada amal qilmagan 150 nafar avtobus haydovchisi ishdan bo‘shatildi. Bu haqda, “Toshshahartransxizmat” aksiyadorlik kompaniyasi Yo‘l harakati xavfsizligi xizmati boshlig‘i Farhod Nig‘monovga asoslanib, “Darakchi” gazetasi xabar berdi.
Farhod Nig‘monovning ta’kidlashicha, 2015-yilda Toshkent shahrida jamoat transporti haydovchilari aybi bilan sodir etilgan 4 mingdan ortiq yo‘l-transport hodisasi ro‘yxatga olingan bo‘lib, aybdorlarga nisbatan ma’muriy jarimalar qo‘llanilgan.
“Takroran qoidabuzarliklarni sodir etgan haydovchilar esa ishdan bo‘shatildi”, — deydi Farhod Nig‘monov.
Ma’lumotlarga ko‘ra, 2015-yilda Toshkent shahrida avtobus haydovchilari ishtirokida sodir etilgan qoidabuzarliklar 37,6 foizga, og‘ir oqibatlarga sabab bo‘lgan yo‘l-transport hodisalari soni esa yetti baravarga kamaygan.
Izoh (0)