Toshkent politexnika muzeyida avtomobil tug‘ilgan kun nishonlandi
Toshkent politexnika muzeyida 29-yanvar, juma kuni Avtomobil tug‘ilgan kun nishonlandi va retro-avtomobillar to‘plamidagi yangi eksponat namoyish etildi. Bu haqda “Gazeta.uz” xabar bermoqda.
Roppa-rosa 130 yil avval — 1886-yil 29-yanvar kuni Karl Bens o‘zining ichki yonish dvigateliga ega, benzinda ishlovchi ilk avtomobili uchun patent olgan edi.
Tarixiy sanaga bag‘ishlab, muzeyda yangi eksponat — BMW’ning “qarindoshi” — 1949—1955-yillarda chiqarilgan EMW 340 ochildi.
Muzey tashrifchilariga afsonaviy nemis avtomobilining paydo bo‘lish tarixi va avtomobilsozlik tarixi bilan bog‘liq boshqa faktlar haqida ma’lumot berildi.
Nashr ta’kidlashicha, yaqinda muzey ekspozitsiyasi O‘zbekistonda 1999-yilning martida chiqarilgan birinchi avtobus bilan boyigan edi.
