O‘zbekistonda “Xalqaro elektraloqa ittifoqining 150 yilligi” pochta markasi chiqarildi

“Xalqaro elektraloqa ittifoqining 150 yilligi” nomli pochta markasi chiqarildi. Marka “O‘zbekiston pochtasi” AJ tomonidan tayyorlanib, O‘zbekiston Respublikasi axborot texnologiyalari va kommunikatsiyalarini rivojlantirish vazirligi tomonidan muomalaga kiritildi. Bu haqda “Infocom.uz” xabar bermoqda.

Pochta markasi Butunjahon pochta ittifoqi tavsiyasiga ko‘ra, Xalqaro elektraloqa ittifoqining 150 yillik yubileyini nishonlashga bag‘ishlangan bo‘lib, unda mazkur sohaga oid zamonaviy texnologiyalar tasviri tushirilgan. Bir necha rangda ishlangan marka 7 ming nusxada tayyorlangan.