«Халқаро электралоқа иттифоқининг 150 йиллиги» номли почта маркаси чиқарилди. Марка «Ўзбекистон почтаси» АЖ томонидан тайёрланиб, Ўзбекистон Республикаси ахборот технологиялари ва коммуникацияларини ривожлантириш вазирлиги томонидан муомалага киритилди. Бу ҳақда «Infocom.uz» хабар бермоқда.
Почта маркаси Бутунжаҳон почта иттифоқи тавсиясига кўра, Халқаро электралоқа иттифоқининг 150 йиллик юбилейини нишонлашга бағишланган бўлиб, унда мазкур соҳага оид замонавий технологиялар тасвири туширилган. Бир неча рангда ишланган марка 7 минг нусхада тайёрланган.
Изоҳ (0)