O‘zbekiston Bosh prokuraturasi va Adliya vazirligi 16-yanvar kuni idoralararo majlis o‘tkazdi, u korrupsiyaga qarshi kurash sohasida chora-tadbirlarni amalga oshirish mavzusiga bag‘ishlandi, deb yozadi “Gazeta.uz”.
Majlisda davlat organlari, ilmiy-tadqiqot institutlari va nodavlat notijorat tashkilotlar rahbarlari ishtirok etib, ushbu sohada 2015-yilda amalga oshirilgan rejali kompleks choralar natijalarini muhokama qildi. Shuningdek, 2016—2017-yillar uchun korrupsiyaga qarshi tadbirlar kompleksini ko‘rib chiqdi.
Bundan tashqari, Korrupsiyaga qarshi kurash bo‘yicha harakatlarning Istanbul rejasidagi yangi tavsiyalarni bajarish bo‘yicha savollar muhokama etildi.
Korrupsiyaga qarshi kurash bo‘yicha harakatlarning Istanbul rejasi o‘zaro baholashlar va monitoring dasturi bo‘lib, unda Armaniston, Ozarbayjon, Gruziya, Rossiya, Tojikiston, Ukraina, Qirg‘iziston, Qozog‘iston, O‘zbekiston ishtirok etadi.
Izoh (0)