Xitoyning Xaynan orolida mikroavtobusning yuk mashinasi bilan to‘qnashib ketishi oqibatida yetti kishi halok bo‘ldi. Bu haqda “Sinxua” agentligi bergan ma’lumotlarga asosan “RIA Novosti” xabar qilmoqda.
Hodisa Syunxay shahri yaqinidagi yo‘lda sodir bo‘lgan. Sakkiz nafar yo‘lovchini olib ketayotgan mikroavtobus yuk mashinasining ortidan kelib urilgan.
Natijada mikroavtobusda bo‘lgan yo‘lovchilarning olti nafari voqea joyida halok bo‘ldi, yana ikki nafar yo‘lovchi shifoxonaga yotqizilib, ulardan biri keyinchalik vafot etdi.
Yo‘l-transport hodisasining sabablari noma’lum, surishtiruv ishlari olib borilmoqda.
Izoh (0)