Tojikistonda maktablar planshetlar yordamida o‘qitishga o‘tadi

“Tojikiston innovatsion texnologiyalari” kompaniyasi Tojikiston ta’lim va fan vazirligi bilan hamkorlikda yangi loyihani amalga oshirishga kirishdi, unga muvofiq elektron planshetlar kitob-daftarlar o‘rnini to‘liq bosishi mumkin bo‘ladi, deb yozadi “Aziya-Plyus”.

Kompaniya rahbari aytishicha, interaktiv darsliklar sinov bosqichidan o‘tib bo‘ldi, endilikda onlayn-kundalik va dars jadvali ustida ish olib borilmoqda.

O‘rta maktablarda qo‘llash rejalashtirilayotgan planshetlarni vazirlik Xitoy Xalq Respublikasidan sotib olgan. Ular ko‘p funksiyali bo‘lib, Android operatsion tizimida ishlaydi, biroq ularni SIM-karta orqali aloqa uchun ishlatib bo‘lmaydi.