O‘zbekiston Prezidenti Islom Karimov 2015-yil 31-dekabrda “O‘zbekiston Respublikasi Tashqi iqtisodiy aloqalar, investitsiyalar va savdo vazirligi tuzilmalarini muvofiqlashtirish va samaradorligini yanada oshirish bo‘yicha chora-tadbirlar to‘g‘risida”gi qarorni imzoladi, deb yozadi UzDaily.
Qaror bilan TIAISV markaziy apparatining yangilangan tuzilmasi va vazirlik haqidagi nizom tasdiqlandi.
O‘zbekiston rahbari “O‘zmarkazimpeks” va “O‘zinterimpeks” AJni tugatdi. Ushbu kompaniyalar bazasida “O‘ztadbirkoreksport” AJ tuziladi.
Yaratiladigan aksiyadorlik jamiyati kichik biznes va xususiy tadbirkorlik subyektlariga, shuningdek, dehqon va fermer xo‘jaliklariga o‘z mahsulotlarini eksport qilishda yordam beradi.
Shu bilan birga, O‘zbekiston Prezidenti qaroriga ko‘ra, “O‘zsanoateksport” AJ “O‘zprommashimpeks” va “Markazsanoateksport” AJ bazasida tashkil etiladi. U mashinasozlik, metallurgiya, kimyo va neft-kimyo sanoati, qurilish materiallari sanoati va boshqa soha korxonalariga rivojlanish va mahsulotlarni eksport qilishda ko‘maklashadi.
Izoh (0)