Mixael Shumaxerning menejeri Sabina Kem nemis matbuotida paydo bo‘lgan dunyoning yetti karra chempioni salomatligi borasidagi mish-mishlarni inkor etuvchi bayonot berdi. Bu haqda “Segodnya.ua” ma’lum qildi.
“Afsuski, matbuotda yoritilgan Mixaelning sog‘ligi haqidagi xabarlar haqiqatga to‘g‘ri kelmaydi. Bunday ovozalar mas’uliyatsizlikdan bo‘lak narsa emas. Shumaxerning og‘ir jarohatlarini inobatga olgan holda, uning shaxsiy hayotini himoya qilish juda muhim”, — deya ta’kidlagan Kem.
Germaniyaning Bunte haftaligida Mixaelning salomatligi sezilarli ravishda tiklangani, u shifokor yordamida qadam bosishi, shuningdek, qo‘lini ko‘tarishi mumkinligi to‘g‘risida ma’lumot yoritilgandi.
Izoh (0)