O‘zbekiston temiryo‘lchilari 2016—2017-yillarda 396,9 kilometrlik yangi “Navoiy—Konimex—Miskin” temiryo‘l liniyasi qurilishini amalga oshiradi. Bu haqda “12news.uz” xabar bermoqda.
Teplovoz tyagasida temiryo‘l tarkiblari harakatlanishi uchun uchastkalar bunyod etishdan iborat qurilishning birinchi bosqichi qiymati 283,1 million dollarni tashkil etadi. Loyihaning ikkinchi bosqichida temiryo‘l magistralining mazkur qismini elektrlashtirish ko‘zda tutilmoqda. Bu esa tezyurar poyezdlar Urganchgacha kelishini yo‘lga qo‘yish imkonini beradi.
Elektropoyezd yangi yo‘ldan soatiga yuz kilometrdan ziyod tezlikda harakatlanadi. Urganchdan Toshkentgacha bo‘lgan umumiy masofa 800 kilometrga teng. Poyezd uni hozirgi 19 soat o‘rniga sakkiz soatda bosib o‘tadi.
Izoh (0)