Ўзбекистон темирйўлчилари 2016—2017 йилларда 396,9 километрлик янги «Навоий—Конимех—Мискин» темир йўл линияси қурилишини амалга оширади. Бу ҳақда «12news.uz» хабар бермоқда.
Тепловоз тягасида темир йўл таркиблари ҳаракатланиши учун участкалар бунёд этишдан иборат қурилишнинг биринчи босқичи қиймати 283,1 миллион долларни ташкил этади. Лойиҳанинг иккинчи босқичида темир йўл магистралининг мазкур қисмини электрлаштириш кўзда тутилмоқда. Бу эса тезюрар поездлар Урганчгача келишини йўлга қўйиш имконини беради.
Электропоезд янги йўлдан соатига юз километрдан зиёд тезликда ҳаракатланади. Урганчдан Тошкентгача бўлган умумий масофа 800 километрга тенг. Поезд уни ҳозирги 19 соат ўрнига саккиз соатда босиб ўтади.
Изоҳ (0)