«Йил автомобили» танлови финалчилари маълум бўлди

«Йил автомобили» нуфузли халқаро танловида ғолиблик учун даъвогарлик қиладиган еттита энг яхши янги машиналар аниқланди, дея хабар бермоқда «Газета.ru».

Дастлаб мукофот учун 35 та модель жангга киришди, бироқ бутун дунёдан келган 58 нафар эксперт иштирокидаги овоз беришнинг биринчи босқичидан сўнг даъвогарлар бор-йўғи еттита қолди. Булар Audi A4, BMW 7-серия, Jaguar XE, Mazda MX-5, Opel Astra, Skoda Superb ва Volvo XC90 бўлди.

Ғолиб 2016 йил 29 февраль куни Женевадаги Халқаро автосалон арафасида эълон қилинади.

Номзодлар қатъий талабларга жавоб бериши керак: улар сўнгги 12 ой ичида камида бешта Европа мамлакатида сотувда бўлган бутунлай янги автомобиллар бўлиши керак. Ҳакамлар уларни дизайн, қулайлик, хавфсизлик, тежамкорлик, бошқарув, маҳсулдорлик, функционаллик, экологик меъёрларга мослик, ҳайдовчиларнинг қониққан-қониқмаганлиги каби мезонлар бўйича баҳолайди.