Bugun,

  • USD 10940.05
  • RUB 182.26
  • EUR 11121.65

Bo‘stonliq tumanida gaz idorasida ishlaydigan nazoratchi sifatida ishlaydigan bir ayol va bir erkak firibgarlik bilan shug‘ullanib kelgani ma’lum bo‘ldi. Bu haqda “Huquq” gazetasi xabar bermoqda.

Foto: FAP News

Foto: FAP News

Gaz nazoratchisi bo‘lgan ayol tumandagi o‘ziga biriktirilgan xonadonlarning birida o‘zboshimchalik bilan isitish pechi o‘rnatilganini aniqlab, moslamani hujjatlashtirib berish uchun uy egasidan 150 ming so‘m pul talab qilgan.

Biroq ayol va’dasida turmay, ushbu xonadonni qarzdorlar ro‘yxatiga qo‘shib qo‘yadi. Oradan taxminan ikki hafta o‘tib, bu safar kasbdoshi bilan xonadonga kelgan ayol, xonadonning gaz bilan bog‘liq muammolarini hal qilish uchun 250 ming so‘m so‘raydi.

Bu safar uy egasi gaz nazoratchilariga pulni ikki-uch kunda hal qilib berishni va’da qilib, mazkur vaziyat haqida huquqni muhofaza qilish idoralariga xabar qiladi. Firibgarlar uy egasidan pulni olayotgan vaqtida, daliliy ashyo bilan qo‘lga olingan.

“Jinoyat ishlari bo‘yicha Bo‘stonliq tumani sudi firibgar gaz nazoratchilarining qilmishlariga yarasha jazo tayinlab, hukm chiqardi”, — deyiladi gazeta xabarida.

Izoh
Asosiy yangiliklar
Dunyo
Turkiya lirasi yana rekord darajada tushib ketdi
Mahalliy
Buxoroda ayol yuk poyezdi ostida qoldi. U o‘z joniga qasd qilgan
Mahalliy
O‘zbekiston Xitoyga qovun qoqi va loviya eksport qiladi